ҚР Үкіметі, жұмыс берушілер мен қызметкерлердің республикалық бірлестіктері Бас келісімнің тараптары болып табылады. Бас келісім әлеуметтік-еңбек қатынастарын реттеудің жалпы қағидаттарын белгілейді және республикалық деңгейде жасалады. Онда әлеуметтік-экономикалық саясатты жүзеге асырудың жалпы принциптері, сондай-ақ еңбек нарығы мен халықты жұмыспен қамтуды дамыту, табыс пен өмір сүру деңгейі, еңбекақы төлеу, халықты әлеуметтік қорғау саласындағы әріптестердің бірлескен қызметі көрсетілген.